ရခိုင်ပြည်နယ် မြောက်ဦးမြို့ထက်က မြတန်ဆောင်းစစ်ဘေးရှောင်ကယ်ဆယ်ေရးစခန်းက အဆာင်တိ ပြန်လည်ဆောက်လုပ်ဖို့ လိုအပ်နိန်ရေလို့ စခန်းတာဝန်ခံ ဆရာတော် ဦးနန္ဒသာရ က မိန့်ပါရေ။
ဒုက္ခသည်တိနိန်ထိုင်ရေ တဲအိမ်အဆောင် ၂၄၀ ကျော်၊ စာသင်ဆောင်တစ်ဆောင်နဲ့ လျှောက်လမ်း တံတားတစ်ခုကို ပြုပြင်ဖို့ လိုအပ်နိန်စွာဖြစ်ပနာ တဲအိမ်တစ်ဆောင်ကို ငွေ ၂ သိန်း၊ စာသင်ဆောင်နဲ့ လျှောက်လမ်းတံတားကိုတော့ခါ ၁၀ သိန်းကျော်လောက်စီ ကုန်ကျဖို့လို့ ခန့်မှန်းထားကြောင်း ဆိုပါရေ။
အဆိုပါ စစ်ဘေးရှောင်စခန်းမှာ ပုဏ္ဏားကျွန်း၊ ကျောက်တော်၊ မြောက်ဦးနဲ့ မင်းပြားမြို့နယ်က စစ်ဘေးရှောင် အိမ်ထောင်စု ၂၆၀ ကျော်နဲ့ လူဦးရေ ၁ ထောင်ကျော်ရှိစွာပါ။
ဆရာတော်ကတော့ခါ သုံးနှစ်လောက်နိန်ကေ ဒုက္ခသည်တိ အိမ်ပြန်လို့ရဖို့လို့ မျှော်မှန်းခကေလေ့ တိုက်ပွဲတိ ဖြစ်ခရေ အဆိုပါကျေးရွာတိမှာ မိုင်းပေါက်ကွဲမှု၊ အလုပ်အကိုင်ဆုံးရှုံးလားမှုနဲ့ တိုက်ပွဲပြန်ဖြစ်ဖို့စွာကို စိုးရိမ်မှုတိကြောင့် နိန်ရပ်မပြန်ကပ်စွာလို့ ပြောကပ်ပါရေ။
401 total views, 1 views today