မောက်ဂေါ ဒါတ် သော အောက်စီဂျင် တော်ဂါညာ၊ ဒါဇော်ဇော်ထွန်း ရစ် ဖူဇာလ်လူလေ

စစ်တွေ၊ အာရ်ကန်ရိုးမ
ဒါတ်တင် နော့စ် ကိုဗစ် third wave ဥ အာသပ်တယ် သော မောက်ဂေါ သော ယော ဥအာသပ်။ပြည်မ သီဒီ အောက်စီဂျင် နော် ကုလာစ်တယ် လိုက် မာရာစ်ဇာ ဂျောင်တယ် ယာဝန်းရစ် ဆားယောရစ် မောက်ဂေါဒါတ် မာသပ် အောက်စီဂျင် လာဂတ်တယ် မာန့်ပိုက် ပေါ်ရား ဂူရိဂျောင်တယ် ယောဒေ ဂါးဇာတ်။အောက်စီဂျင် ဖိစ် တိုရီ ဆောလ် ရင်နီ သော ဘောဇား ပိုက် ဂူရိဂျောင်တယ် သော့စ် စစ်တွေ ဆောလ်ရော ဂူရိပိုက် သောစ် ရခိုင်တိုင်းရင်းသားများအစည်းအရုံး တုံး ဒါဇော်ဇော်ထွန်း ရစ် အာရ်ကန်ရိုးမသတင်းထောက် ဒါအောင်အောင်ထူး ဖူဇာလ် လူယစ်တယ်။

ဒါထူး ဖူဇာလ် လူလော တယ် မောက်ဂေါ ဒါတ် စစ်တွေ ဆောလ်ရော မာနု ကျုံ စည်းကမ်းလိုက်နာမှု ကီဒူလာ အာသပ်တယ်။

စည်းကမ်းလိုက်နာမှု အာသပ်တယ် မာနုဘီချီး ။ အက်ဒေါ်ဝါးတယ် စည်းကမ်းလိုက်နာမှု ကောင်ယောဒေဂါးဇာတ်။ တီငါပူဂျား မာနု အာသပ်တယ် ရပ်ကွက် သောစ်။ ဆန့်နောစ် mask တုံး ရစ် ယော ကောင်ဂူရိနော် ဂျောင်း ဘာရာစ် ဘာရာစ်နယ် လာ ယော ဘီချီး ဒီဂီးလာမ့်။ ဇီဇီယပ် ဒေါ်ဝါးတယ် နောနယ်လီနင်နော် ပါရစ်တယ် ယော ဒေဂါးဇာတ်။ ဗျာကုံ ဂူရိပိုက်ယော မာမာလာ အာသပ်။ ကီဒူလာ ကူလပ်mask အက်ကမ် ပါပိုက် လွယ်နော့စ်။ သီဒူလာ ယော အာသပ် ကီနီပိုက် အက်ဒိန် မာချူ ဥပမာ ကူလပ်အာမိ mask ရစ် အက်ဒိန်မာချူ ဘာဇာစ်ညင်ထာ ပူရီဘော် နော်လပ် နော်ဝါးဂျာ ပီူဘော်ကူလပ် အက်ဒိန်နပ် (3/4/5) ဗာလ်ရာစ် နယ်လ ပေါ်ရစ် ဖီရီအားလပ်သီ mask တင်ဒီနော် ပါရစ်။ သီဒူလာ ဥလပ်တာရား လိုက် နော်ခါရစ်။ mask နော် ဘာဇားလပ် ဒူရီ ဘော်ကူညင် သပ်ဒီ ဂျောင်တယ်။ ကီဒူလာ ဂျာပူရီဘေ်ဖေလာ ပူရီ ဘော်ဒီပါလပ် ဒေါ့ဂေါင့်။

ဥလပ် ဒာဒေါ်ဝါး Quarantine Centre အက်ကမ်း ခူလီပိုက် ဂူရိ အာသော ဆန့်ထာမ် ပါလာမ့်။ သီယာဝန့် နေ့ာစ် မာနု ဟော့ တုံး အာသပ်၊ ကီဒူလာ ဂူရိဂျောင်၊ကီလာဂတ်တယ်။ အာမား တုံး တယ် Ready ဥအာသပ် လာဂတ်တယ် မာလ်လုံး ယော အာသပ်ကောရိန်တိန်း ဆန်တာ သော ကောရိန်တိန်း စူမီညာနိုက်။ ဆန့်တယ် မူပိုင်းဆိုင်ရာ လို့စ် ယော အုလ်ပါရစ်။ ဥပမာ ကီဒူလာ မာနု ရာစ် ထွာပူရီဘော်၊ ကောဒေါ့ မာနု ထူညင်၊ကီဒူလာ မာနုထှား ပူရီပျိုကျ၊ အာဂပြျတယျ မာနု ရစ် ထူပိုက် ကူလပ်ေ် အာဒါစ်။

ဖာရာ တုံး ယော အက်ဒိန်နပ် အားဇား ဂေါ်ရားပေါ်ရစ်။ အာအက် ဇာငင်း တီစူမာယာ အသပ် တရားမူပိုင်းဆိုင်ရာ နော်ထားလပ် ထူပိုက် ဂူရိထူယစ်။အီနား ဥလပ် မောက်ဂေါ ဒါတ် သော ကိုဗစ် ဥအာသပ်တယ် မာနု (1700) စောင် တုံ ဘီချီး လို့စ်မာရာက်ဂေလပ် တယ် မာနု (63) စောင် ဘီလီ ကျန်းမာရေးစာရင်းဇယား သော ဒေဂိုက် ထူယစ်။ စစ်တွေ ဥလပ် မာရာက်ဂေ လက်တယ် (6) စောင် လို့စ် ကိုဗစ် ဥအာသပ်တယ် မာနု (330) စောင်တုံး ဘီချီး အာသပ် ဘီလီ ထာမ့်ပါလာမ့်။ အီနား ဥလပ် ပြည်သူ့ဆေးရုံကြီး သော မောက်ဂေါ ဒါတ်တင် နော့စ်အောက်စီဂျင် အာသပ် ဘီလီ စစ်ကေင်စီ ကုစ်ထူယစ်။ နော်ကူလက်တယ် ဆန့်ဇီ ဇီယစ် ဒေါ်ဝါးလိုက်ခူလီ နင်ဒေ ဂိုက်တယ် ယော ဒီ ဂီးလာမ့်။ သီယာ ဝန်း ရစ် အောက်စီဂျင် စီမံခန့်ခွဲမှု လိုစ် စစ်ကောင်စီယော အရပ်ဖက်အဖွဲ့အစည်း ရစ် ကင်ဒီထူယာ အာသပ်နပ်။

ဒါ ဒေါ်ဝါး သီ ကိစ္စ ဝါနီ လို့စ် ကုစ်ထူယာယော အာသပ်။ စစ်ကောင်စီ တုံး သီ ကိစ္စ ဝါနီ ရစ် ဒါစကာရှင်း ဂူယာ အာသပ်နပ်။ တာရားတယ် သီအောက်စီဂျင် ငင်နီရစ် စီမံခန့်ခွဲမှုကော်မတီ ဂူရီ ထူယစ်ကူလော။ ကာလိုစ် ဂူရိ ထူယစ် ဆန့်ထာမ်နော်ပိုက်။ ဗျာကုံး တယ် အစိုးရဌာနဆိုင်ရာ တုံး အာဏာပိုင် ယော အာဂျီးလက်။ အရပ်ဖက် ကာကျီးတယ်။ နော်အာဂျပ်။ အရပ်ဖက် ကာကျီးယော ဘာလ်ဒီဇာဘေင်။ အာမိ တယ် ဂါဂါ စီမံခန့်ခွဲ ဂေါ်ရား အာယစ်။ လာဂတ်တယ် ယာ ယော အာသပ်။ ဒါဗိုက် ဂိုက်တီသာ ယော ဒီဘောင်။ ဥညာ ဇာကာ သော လာဂီလပ်ယော ဒီပါရစ်ဖင့် ဂူရိထူယီ။ ဖိစ် တိုရီ ဘော်ဇားပိုက် ယော ခါရီတယ် ဇာကာ သော ဘောဇာဘော့ ဘီလီ မာဂီးထူယာ ယော အာသပ်။ အီနားတယ် အာဂယ်နယ် လီအာဘော့တယ် ယာ အုံး ရစ် လာဂတ်တယ်ဇာကာ၊ ဒါဗိုက်ဂိုက် တီဒီပိုက် ဂူရိထူလပ် ယော ဟော်ဘောလ်တယ် နော်နယ် လာစ်။

စစ်ကောင်စီကာကျီးတယ် စီမံခန့်ခွဲမှု ကူလပ်နယ်လီ အာဘော့တယျထာေျတယျ အောက်စီဂျင် အုံး ရစ်တာရား ဂူရိထူယစ်။ အာမိယော သီ ဒူကုစ်တယ်။ ဂါ တုံး ဂူချာ ဘောင်တယ်၊ နယ်လီ ဘော်တယ် အောက်စီဂျင်အုံး ရစ် ဂါဂါ စီမံခန့်ခွဲ ဂူရိ ပိုက် ကူလောင့်တယ်။ဆနျ့နိရစျအာမားရစျဒီေျ၊ နော်ဒီ ဘော်ကုစ် နော်ပါရီ။ အောက်စီဂျင် စီမံခန့်ခွဲမှု ရစ် ဆားလပ် အရပ်ဖက်အဖွဲ့ ရစ် ဂျော် ဘီလီ မာဂီးထူယော။ ဆန့်ရစ် စစ်ကောင်စီ ကာကျီးဖီရီနော် ကော့စ်။ စစ်ကောင်စီ ကာကျီးတယ် စီမံခန့်ခွဲမှု ကူလပ် နယ်လီ အာဘော့တယ်၊ ထာဘော် တယ် အောက်ဆီဂျင် အုံး ရစ် တာရား ဂူရိထူယစ်။ အာမိ ယော သီ ဒူလာ ကုတယ် ဂါ တုံး ဂူချာ ဘောင် တယ် နယ်လီ ဘော့ တယ် အောက်စီဂျင်မှု အုံး ရစ် ဂါဂါ စီမံခန့်ခွဲ ဂူရိ ပိုက်ကူလောင်တယ်။

ဆန့်နော်ရစ် အာမား ရစ် ဒီဘော်တယ် ၊ နော်ဒီ ဘော်ကုစ် နော် ပါရီ အောက်စီဂျင် ဂူချာ ဘာရင်ရစ်ဂေါရားဒီ ဘီလီ ကူထူယစ် ။ ပီဂြပ်တီ စစ်တွေ ဆောလ်ရော Oxygen Plant နယ်လီ ဘော်တယ် ကိစ္စ ဝါစနီ လို့စ် စစ်ကောင်စီ တုံး ကီဒူလာလော်ဒီထူယစ်။ တာရားတယ် အောက်စီဂျင် ဖိစ်တိုရီ ဂူချာ ပိုက်ရင်ကီချူး နော်ကူဘေ့။ ဖိစ်တုရီဗာဏီးပါရစ်။ ဒါဗိုက် ဂိုက် တီ ယော လာဂီလပ် ဒီပါရစ်ဖင့်စနစ်တကျ ဂေါ်ရား ပူရီဘော် ကုစ်ထူယစ်။ ဖိစ်တိုရီ ဗာဏီး ပိုက် ဥလပ် တာရား ယော တီငါ (100) လက်ဘောလ်ဒီ ဘော်ကူ ထူယစ်။ ကူမျှာဒီဘေ် ကုစ် နော်ပါရီ။

ဒါဒေါ်ဝါး သီယာဝန်း ဗာဏီးပိုက် ကူလပ်တီငါပူဂျာ ဟော့ တုံး လာဂီဘော်၊ အီနား ဟော့ တုံး ပိုက် ထူယော ဆန့်ဂူရိပိုက် ဇူးဒီ။ အီယာဝန်း ဒီဇာတ်အာသပ်။ အာမား REC တုံး ဂူရိ ပိုက်ရင် အက်ကမ့်။ ဆောလ်ရင် နီသော့စ် ကော်မတီဖွဲ့ ဂူရိနင့် ဂေါ်ရားသော အာမိတယ် ကုစ်ပါရီတယ် မာနု နော့စ်။ ဆန့်တယ် စစ်တွေအောက်စီဂျင် ဂူရိ ဘိုက်တယ် ကော်မတီ ရစ်ဖူဇာလ် လွှာပူရီဘော်။ Sittwe Oxygen Plant ဘီလီဖွဲ့ဂူရိထူယစ်။ အာမိတယ် အက်ဒိန်နပ်(100) ဝါးနယ်လီ ပါရစ်ဖင့် ဂူရိဘာင့်။ ဖိစ်တိုရီ ဇာကာ သော ဗာဏီ ဘောင်တယ်။ ပီဂျပ် ဥညာ ဆောင်ရင်နီသော ယော ဒီဘောင်။ အောက်စီဂျင် ဆလန်ဒါအိုး ကီဏီဘောင်။ ပေါင်ဒေါရော့ အာဇာလက် အာနိလာဂီ ဘော်။ သီနား သီကိစ္စ ဝန်း ဂူရိပိုက် ဇူးဒီ ကီလာဂီ အာသပ်တယ်။ လာဂတ် တယ် ယာ ဝန်တယ် တီငါ ပူဂျာ ဟော တုံး အာသပ်တယ် ယာ ဝန်းမီတယ် ထာမ်နော်ပင့်။

ဆန့်တယ် ကော်မတီသော ထာဘော်တယ်။ ဘဏ္ဍာငွေစာရင်း ကုမ္ပဏီ ရစ် ဖူဇာလ် လွှာ ပူရီဘော်။ နော့လပ် ပြန်ကြားရေး Sop ရစ်ဖူဇာလ်လွှာ ပူရီဘော်။ အာမိတယ် ကုစ် နော်ပါရီ။ တီငါ ပူဂျား နော် ကူလာစ် ဘီလီ ကူလက်။ အာအက်ကမ်တယ် နယ်လော် ဘီလီဟေ၏်ဘောလ်ဂျာ ပူရီ ဘော်။ နယ်လီ အားဘောတယ် အောက်စီဂျင်အုံး ရစ် ဗုတ် မာနု လာဂီ ဘော်တယ် ဇာကာ သော ဒီဂျား ပူရီဘော်ဆန့်ကွာ ပူရီဘော် ။ ပီဂျပ်နယ်လီအာဘော့တယ် အောက်စီဂျင် အုံး ရစ် ကီဒူလာ ဂူရိပိုက်ရင် ရစ် စည်းမျဉ်းစည်းကမ်း ထူဘာလ်ရင်ဘာဘီထူယစ် ဒူလာဒီဘောနပ် ဆန့် ဒါစကာရှင် ဂေါ်ရား ပူရီဘော်။ ဒါဒေါ်ဝါး အောက်စီဂျင်ကိစ္စ၊ အီနား ကိုဗစ် ဥအာသပ်တယ် ကိစ္စ ဝါးနီ လို့စ် ကီကွာ အာယစ်တယ်။

အီနား ကိုဗစ် third wave ဥယစ်တယ်တူဒီ အာမိတယ် စစ်ကောင်စီ ကာကျီး အာဏာပိုင် အုံး အေိယာ ဝန်း ရစ် ဆားညင် ဥအာဘော်တယ်ယာအုံး ရစ် ဒါ ဆိုက် ဂူယစ်နပ် ဘီလီ ကွာအာ ယစ်။ တာရားတယ် ဥအာလပ်သပ် ဂူရိပိုက်။ အောက်စီဂျင် လို့စ် လပ် အစိုးရ ကာကျီး ဂူရိထူယစ်တယ် ယာအုံး ဒါတ်တော် မာနု ကျုံ ရစ်မစျဆေ့ဂြာပြီးပျလာမာစျ။ အားပေါ်တယ် အစီစဉ် အုံး ဂေါင်ဂူရိ ဂေါ်ရား ပူရိဘေ်ဆန့် လာဂတ်။ စစ်တွေဆောလ်ရော အီနား အောက်စီဂျင် လာဂတ် ဆန့်ကီဒူလာ ဒေဂေါ့စ်တယ်။ မောက်ဂေါ ဒါတ် ဒါဗိုက်ဂိုက်တီ သော ဒါဗိုက် ဆား အာကျီးဂျောင်တယ် စာရင်း လို့စ် အောက်စီဂျင် လာဂတ်တယ် စာရင်း လူညင်ရာစ်ဂျီ အာသပ်ဆန့် ထာမ်ပါလာမ့်။

ပီဂျပ်လာဂတ်တယ် အောက်စီဂျင် ယော မာဂီးလူဂျောင်းထာမ်ပါလာမ့်။ သီဒူဂူရိပိုက် ကူလပ်ပီဂျပ် (2) ဝိတ် ၊ (3) ဝိတ် မသပ် အောက်စီဂျင် လဂတ်တယ်ယာ အုံ ဒီပါရီ ဘော် ဘီလီ ဘာဘီလော်။ အီနား မာမာလာတယ် အာသပ်။ ဒါတ်တော် မာနု ကျုံယော၊ အီနား ရောဂါ ဥအာသပ်တယ် ဂေါလ်ရွာ ထီာယော၊ ကိုဗစ် ဥအာသပ်တယ် ဒေါ်ဝါး ယော ဒါဗိုက်ကီနာပေါ်ရစ်တယ် ဘီချီးအာသပ်။ ဂိုရို့စ် မာနု ယော ဘီချီး။ နော် ကော်ဂျပ် ယာ အုံး ကွာ ပေါ် ရစ်။ ဒါဗိုက်တိုက်တီသာ ယော ကင်ဂူရိညး မာနု ကောင်တယ် ဘီဂျီး ရစ် ပြစ်ချာ ဘီချီး ဂူရိ ကင်ဂေါ်ရား ပေါ်ရစ်။တာရား ရစ် ဖီရီ ကော်ဂျပ် ယော ထာ။ အက်ဒေါ်ဘား လို့စ် အက်ဒေါ်ဘား မော်ဒီ နင်ကင် ဂေါ်ရားပူရီဘော်။

တော်လပ် တိ ဂူရိဂျောင် တယ် ယာ အုံး ဂေါင် ဂူရိ ဂူရိဂျီး ပိုက် လာဂီဘော်။ နော် လပ် ဥဗူရစ်တိ ဗျာကုံး ဂူရိဂျား ပူရီဘော်။ တော်လပ် ပရိုဖလန် ဘီချီ ထားညင့် ဒါတ်တော် မာနု ကျုံ လို့စ် ကင်ဂူရိ အာသပ်တယ် ဒေါ်ဝါး ဘီချီး ဒိန်းဂျား ရာစ်ဘစ်။ ဆန့်နီရစ် ဂူရိဂျီး ပိုက်ဂီဘော်။ စစ်တွေ ဆောလ်ရော အား ယော ရစ် ဒါဗိုက် ဆားညား လို့စ် အာသပ်တယ် အောက်စီဂျင် အုံး ကီဒူလာ။ အီနား ပီဂျပ် စီမံခန့်ခွဲ ဂူယစ်တယ် အစီစဉ် အုံး တယ် ဘီချီး ပရိုဖလန် ဥဒီနော်ပါရစ်။ အက်ဒိန် လိုစ် အက်ဒိန်တယ် ပေါ်ရောက်လာဂတ်တယ် ယာ အုံး ယော ပေါ်ရောက်။ အက်ကျာ အာယော ရစ် ဒါဗိုက် ဆာစ်ညား မာနု လို့စ်အာသပ်တယ် အောက်စီဂျင် ပမာဏ အုံး ဒေ ဂိုက်ထူယစ်တယ် အစီစဉ် အုံး ဂေါင် ဥအာသပ်။ အီနား ဥအာသပ်တယ် ယာဝန်း အောက်စီဂျင် နိုက်ဂျပ် လိုက်နပ်၊ နော်လပ် ကီဒူလာ ဥအာသပ်တယ်။

ဒီယင်အာသပ်တယ်။ အက်ကမ်တယ် အောက်စီဂျင် လာဂတ်တယ် မာန့်နော် ပိုက်၊ ဂါဂေါင် နိုက်ဂျပ် မာနု ကျုံယော လာဂတ်တယ် ယာ အုံး အတင်း အဓမ္မ မာဂါး ယော အာသပ်။ အာအက်ကမ်တယ် မူဇောင်း ငတ် တိ ဥဘော်တယ် ယာ အုံး ရစ် စီစဉ် ဂေါ်ရစ်တယ် ယာ။ အာကျား ဒိန်နာ အောက်စီဂျင်ဟော့ တုံး လာဂတ်၊ အာအက် ဒိန်နာ ဟော့ တုံး လာဂီဘော် ဆန့်ကူ နော်ပါ ရစ်။ ကောင် ဇာကာ ဘာရာ ဂျာူးရီဘော်၊ ကောင် ဇာကာ ကီဒူလာ လာဂတ် ဆန့်နီရစ် မစ်ဆေ့ လူညင် စီစဉ် ဂူရိပိုက် လာဂီဘော်။ ပီဂျပ်အက်ကမ်တယ် အောက်စီဂျင် လို့စ် ဒါဗိုက် ဆာစ် အာသပ်တယ် ဒေါ်ဝါးရစျလာဂတ်တယ် မာနု ဒျီနော်ပါရီ လပ် ဖီလီထူယစ် ဒူလာအော်။ သီ ဒီညင် ဇူးဒီ ဥအာသပ် တယ်။ ဒါ ကူလပ်တယ် အောက်စီဂျင်စီမံခန့်ခွဲမှု ရစ် အရပ်ဖက် ကာကျီး ဒီလပ်ဆာမ်တီ ဥဘော် ကိစ္စ ဝန်း။

ဆန့်တယ် နယ်လီ ဘော်တယ်အောက်စီဂျင် ရစ်ဂါ မော်နော့စ် အာသပ်တယ် ဒူလာဂူရိပိုက် ကောင်ငေါ့စ်တယ် နော့စ်။ စစ်ကောင်စီ ကာကျီး လာဂီနင် ဥကျော့ဆစ်၊ ဒါဗိုက် ဂိုက်တေီကာကျီး လာဂီ နင် ဥကျောဆစ် မာနု ကျုံ ရစ် ဒါဗိုက် ဆား ဂျီး အာသပ်တယ်။

အာမီ တယ် ဥညာ ဒါဗိုက် ဂိုက်တီ နော်ဇာညင် ဥပမာ အက်စောင် တယ် ဒါဗိုက်ဂိုက်တီ အာကျီး နော်ပါရီ နင် သီ ကာလ သော လာဂီအာယစ် ကူလပ် ဒါဗိုက်ဂိုက်တီ အာပိုဘိုက် ယော နော်ပါရစ်။ ဆန့်နီရစ် အာမိဒီပါရစ်။ တီငါထာလပ် အီယာဝန်း ဂူရိဘိုက် ဟော တုံးဒေရီ ဥဘော့။ သြဂုတ် ဆာမ် မော်ရာ စက်တက်ဘာ ဆာမ် သော ဂူရိ ပါရီ ဘော်ကွာ အာယစ်။

 476 total views,  1 views today