Arakan Yoma |
စစ်တွေမြို့မှာ မေလ ၁၄ ရက်နိန့် ညဇာသားအချိန်ထိ ကိုဗစ်ရောဂါပိုး ကူးစက်ခံရလူ ၅ ယောက်အထိ ရှိလာခယာ ဖြစ်ပါရေ။
ပြည်နယ်ပြည်သူ့ကျန်းမာရေးဦးစီးဌာန၊ လက်ထောက်ညွှန်ကြားရေးမှူး ဒေါက်တာစိုးဝင်းပိုင်က ကူးစက်ခံရ လူတိစွာ ဘင်္ဂလားဒေ့ရှ်နိုင်ငံက ပြန်လာလူတိ ဖြစ်တေလို့ ပြောပါရေ။
ဘင်္ဂလားဒေ့ရှ်နိုင်ငံမှာ ကိုဗစ် တတိယလှိုင်း ဖြစ်ပေါ်နီရေအတွက်တာနန့် ဘင်္ဂလားဒေ့ရှ်နိုင်ငံကနီ ပြန်လာရေ စစ်တွေ နယ်စပ် ကုန်သွယ်ရေးသင်္ဘော ၅ စီးကို ကမ်းကပ်ခွင့်မပီးဘဲ ၂ ပတ်ကြာ ကွာရန်တိန်း ဝင်ခိုင်းထား ရေလို့ ဆိုပါရေ။
မေလ ၁၂ ရက်နိန့် ပထမအကြိမ် စစ်ဆေးရာမှာ ၄ ယောက် တွီ့ရှိခပြီးကေ ၂ ရက် အကြာထပ်လို့ စစ်ေဆေးရေအခါမှာ ထပ်တိုးလူနာတစ်ယောက် ဟိ့လာခစွာပါ။
လက်ဟိ့မှာ ရောဂါပိုး တွိ့ရှိထားသူတိကို စစ်တွေပြည်သူ့ဆေးရုံကြီးမှာ ဆေးကုသမှုပီးထားပြီးကေ ကျန်ရေ သင်္ဘောလုပ်သား ၃၅ ယောက်ကိုကျ သင်္ဘောထက်မှာရာ ဆက်ပနာ ကွာရန်တိန်းထားထားရေလို့ ဆိုပါရေ။
ရခိုင်ပြည်သားတိကတော့ အခုပိုင် ကိုဗစ်လူနာတိ ပြန်ပနာတွိ့ရှိလာရေအပေါ် ရခိုင်မှာ ကိုဗစ် တတိယလှိုင်း ဖြစ်လာဖို့ကို ကြောက်ကြီးသန်ဖက် ဝင်နီကတ်ပါရေ။
448 total views, 1 views today