Arakan Yoma|
အဂု လက်ဟိ့ ဖြစ်ပွားနီရေ ကိုဗစ်ကာလအတွင်း မီဒီယာသမားတိ့ အနေနန့် အလုပ်တိ့ ရပ်ထားရစွာ၊ အလုပ်နားခံရစွာ၊ လစာအလျော့ခံရစွာ စရေ အခက်ခဲ အကြပ်အတည်းတိ့ကို ဖြေရှင်းကတ်တေအခါ ကူညီပ့ံပိုးပီးနိုင်ဖို့ မြန်မာနိုင်ငံ သတင်းမီဒီယာကောင်စီကို စာရင်းပီးပို့ကတ်ဖို့ ဇွန် ၂၄ ရက်က သတင်းထုတ်ပြန်ပနာ တိုက်တွန်းလိုက်ပါရေ။
ကောင်စီအနေနဲ့ လတ်တလောမှာ သတင်းမီဒီယာလုပ်ငန်းတိ့ ဆက်လက် ရှင်သန် ရပ်တည်နိုင်ဖို့နဲ့ ပံ့ပိုးကူညီနိုင်ဖို့ “သတင်းမီဒီယာလုပ်ငန်းတိုးတက်ရေးအတွက် စီမံကိန်းများ ရေးဆွဲဆောင်ရွက်ရေးကော်မတီ” ကို ဇွန် ၁၂ ရက်နိ့က ဖွဲ့စည်းခရေလို့ ဆိုပါရေ။
ယင်းကော်မတီစွာ နိုင်ငံတော် အကြီးအကဲတိ့ဘားကိုလည်းကောင်း သက်ဆိုက်ရာ ဝန်ကြီးဌာနတိ့ဘားသို့လည်းကောင်း မီဒီယာသမားတိ့ အခက်အခဲတိ့ကို တင်ပြဆွေးနွေးဖို့ စီစဉ်နီစွာလည်း ဖြစ်ပါရေ။
ယင်းကြောင့် အခက်ကြုံနီကတ်တေ သတင်းမီဒီယာတိုက်တိ့အပြင် သတင်းသမားတိ့ကိုယ်တိုင်ဖြစ်ဖြစ် သတင်းမီဒီယာလုပ်ငန်းမှာ လုပ်ကိုင်နီသူပဲ ဖြစ်ဖြစ် စာရင်းတိ့ကို ဇွန် ၂၉ ရက် နောက်ဆုံးထား ပီးဖို့ မေတ္တာရပ်ခံထားစွာကို တွီ့ပါရေ။
849 total views, 1 views today