Arakan Yoma|
ရခိုင်ပြည်နယ် ဂွမြို့နယ်က မြေယာနန့် အိမ်ရာနစ်နာသူတိကို ပြည်နယ်အစိုးရအဖွဲ့က နစ်နာကြေးပီးအပ်လားဖို့လို့ ဝန်ကြီးချုပ် ဦးညီပုဖေ့စ်ဘုတ်ပေ့ချ်ကနီ ဇွန်လ ၂၀ ရက်နိမာ ထုတ်ပြန်ပါရေ။
ဂွ-မကျေးငူတံတားတည်ဆာက်ရာ တံတားချဉ်းကပ်လမ်းမာ မြေယာပါဝင်လားရေ ဦးပိုင် (၁၁) ခုက မြေယာနန့် သက်ဆိုင်သူ ၂၆ ဦးနန့် နီအိမ်အဆောက်အဦးပါဝင်လားရေ ၉ ဦးရို့ကို နစ်နာကြေးပီးလားဖို့ကို စီစစ်နီရေလို့ ပါရှိကေလေ့ ငွေကြေးပမာဏ ဇာလောက်စီပီးဖို့ဆို စွာတော့ခါ ဖော်ပြမထားပါ။
ရခိုင်ပြည်နယ် ဝန်ကြီးချုပ် ဦးညီပုကတော့ခါ ဒေတံတားတည်ဆောက်စွာရေ ဂွမြို့နယ် ပြည်သူလူထုအတွက်ရာမက ဒေသခံလူထုအတွ က်ပါ ရခိုင်ပြည်နယ်အတွက်ပါ အရေးပါရေ စီမံကိန်းဖြစ်တေလို့ဆိုပြီးကေ နစ်နစ်သူတိအပေါ် ဥပဒေဘောင်ကျော်လွန်ဗျာလ်လုပ်ဆောင် ခစွာ မဟုတ်ကြောင်း ယင်းနိက တွိဆုံပွဲမာ ပြောဆိုထားပါရေ။
ဝန်ကြီးချုပ်အပါအဝင် ဂွမဲဆန္ဒနယ်က ပြည်နယ်လွှတ်တော်ကိုယ်စားလှယ်၊ ပြည်နယ်ဝန်ကြီးတချို့နန့် မြို့နယ်၊ ခရိုင်စီမံခန့်ခွဲရေးကော်မ တီ တာဝန်ရှိသူရို့က ဂွမြို့နယ်အထွေထွေအုပ်ချုပ်ရေးဦးစီးဌာနရုံးမာ ပြည်သူတိနန့် တွိဆုံခကတ်စွာ ဖြစ်ပါရေ။
ထုတ်ပြန်ချက်မာတော့ခါ ပြည်သူတိနန့် တွိဆုံမှုအပါအဝင် တောင်သူတိကို မျိုးစိနန့် မြေသြဇာပီးအပ်မှုတိလေ့ ပြုလုပ်ခကတ်တေလို့ ပါရှိ ပါရေ။
594 total views, 2 views today