တနိုင်ငံလုံးကိုဖြန့်ရေ မြောက်ဦးက အုန်းသကာရည် ပဲ့ကိုင်ရှင်

(Unicode Version)

ထူး၊ ရိုးမရေဒီယိုမဂ္ဂဇင်း

ရှေးဟောင်းယဉ်ကျေးမှုအမွီအနှစ်တိ စုရုံးတည်ရှိရာ မြောက်ဦးဒေသရာဆိုလို့ရှိကေ ကမ္ဘာ့လှည့်ရီးလားတိ၏ စိတ်ဝင်စားမှုကို အထူးတ လည်ခံနီရရေဒေသတစ်ခု ဖြစ်ပါရေ။

ယင်းမြောက်ဦးဒေသက ထွက်ရှိရေ အုန်းသကာရည်ရေ ရန်ကုန်မြို့စျီးကွက်ကို ရောက်ရှိလာပြီးကေ လတ်တလောမှာ လူကြိုက်များနီစွာ ကို တွိရပါရေ။ ဒေထုတ်ကုန်ကို Artisan de Mrauk U လို့ခေါ်ရေ အဖွဲ့စည်းတစ်ခုက Organic Valley နဲ့ မိတ်ဆက်ပီးခပြီးကေ ရန်ကုန် မြို့က တောင်သူလယ်သမားစျီးကတစ်ဆင့် ဖြန့်ချိခစွာလို့သိရပါရေ။ ယင်းသကာရည်နဲ့ ပြုလုပ်ထားရေ L’Amour du Gout လို့ခေါ်ရေ ဒိန်ချိုင်ကိုလေ့ စျီးကွက်မှာ ဖြန့်ချိထားဗျာလ်ဖြစ်ပါရေ။

အခုဆိုကေ ဒေသကာရည်ကို ပြည်တွင်းစျီးကွက်မှာရာမက ပြည်ပစျီးကွက်ကိုလေ့ ထိုးဖောက်နိုင်အောင် ကြိုးပမ်းလျှက်ရှိရေလို့ Organic Valley ဖေ့စ်ဘုတ်ပေ့ချ်ကနီ ထုတ်ပြန်ထားပါရေ။ အခုပိုင် လူအများကြိုက်နှစ်သစ်တေ သဘာဝစစ်စစ် အုန်းသကာရည်ဖြစ်လာအောင် အဓိကထုတ်လုပ်နီသူကတော့ အသက် ၆၄ နှစ်အရွယ် ဦးမောင်ဖြူချေပါ။

“ထွေအုပ်ရုံးတိမှာက အပိုဝင်ငွေရရေ။ ငါရို့စာရင်းရုံးမှာက အပိုဝင်ငွေကမရှိ။ ကိုယ့်လစာနဲ့ ကိုယ်ရုန်းရရေ။ အပိုဝင်ငွေ ဇာပိုင်ရဖို့လဲ။ ဆို ခါ ဓနိတောတစ်တော ဝယ်လိုက်တေ။ ယင်းခိုက်က ၁၉၈၂ ခုနှစ်မှာ ဝယ်စွာ။ ၁၂၀၀ ကျရေ။ လစာ ၁၀၀ ရရေ ခေတ်မှာ ၁၂၀၀ ကျရေ။ တောဖြစ်နီစွာကို အငှားခွတ်ခိုင်းရေ။ ရှင်းလင်းခ ၁၀၀ ပီးရသိရေ။ တစ်လစာပီးလိုက်ရရေ။ နောက်တစ်နှစ်မှာဓနိခိုင် ၉ ခိုင်က စခွတ်တေ။ အုန်းရည်တစ်ပုလင်းကို ငါးမုရရေ။ တစ်ပြားတောင် မဟုတ်။ ယင်းပိုင်ရရိုးသသား ရှာလာရရေပေါ့။ တစ်ပုလင်းကို ငါးမုဆိုကေ ၈ ပုလင်း ကို ၄ ပြားရယာလေ။ ၄ ပြားဆိုကေ တစ်ရက်စျီးစရိုက်ရယာ။ ဒေလုပ်ငန်းကို စလို့မလုပ်ခင်ကတော့ ခံခဲ့ရရေ။”လို့ သူစတင်လို့ လုပ်ဆော င်ခရရေအကြောင်းကို ဦးမောင်ဖြူချေက ပြောပြပါရေ။

သူရေ မြောက်ဦးမြို့၊ လော်ကမူရပ်ကွက်မှာ နီထိုင်ရေ အစိုးရအငြိမ်းစားဝန်းထမ်းတစ်ဦးပါ။ သူအချေခါက မိဘရို့ကျေးဇူးကြောင့် ၁၀ တန်းအထိပညာသင်ခွင့်ရခကေလေ့ စာမေးပွဲရှူခလို့ သူနဲ့ သင့်တော်ဖို့ အောက်ခြေအလုပ်တစ်ခုကိုရှာဖွေပြီးကေ မြောက်ဦး မြို့က စာ ရင်းစစ်ရုံးမှာ အလုပ်ဝင်ခစွာလို့ ဆိုပါရ။

သူရေ ယင်းရုံးမှာဗျာလ် လုပ်ရင်းကိုင်ရင်းနဲ့ အိမ်ထောင်ကျပြီးကေ သား၊ သမီးတိရာရလို့ နှစ်တိရာကြာလာခကေလေ့ ရာထိုးလေ့ မတိုးခ ပိုင် အပိုဝင်ငွေလေ့ မရရှိစွာကြောင့် ဝန်ထမ်းလစာငွေနဲ့ မလောက်ငှဘဲ ငွေကြေးချို့တဲ့မှုပြဿနာ ပေါ်ပေါက်လာခပါရေ။ ဒေပိုင်နဲ့ သူရေ ဝန်ထမ်းလုပ်နီရင်း အပိုဝင်ငွေရှာဖို့ ကြိုးစားရုန်းကန်လာခရပါရေ။ ဒေချင့်တိကလေ့ ဦးမောင်ဖြူချေကို အခုပိုင် ဘဝမျိုးကိုရောက်ဖို့ တွန်း အားတစ်ခုဗျာလ် မဟုတ်ပါလား။

နောက်ဆုံးမှာတော့ကေ သူရို့ဒေသမှာပေါများရေ ရီအုန်းတောတစ်ခုဝယ်ဖို့ဆုံးဖြတ်ခပြီးကေ အုန်းရည်တိ ထုတ်လုပ်ရောင်းချခစွာလို့ ဆိုပါရေ။ သူက ဒေလုပ်ငန်းဖက်ကို ပြောင်းလုပ်လာခပြီးရေ နောက်ပိုင်းမှာတော့ စားဝတ်နီရေးအပိုင်းမှာ အဆင်ပြေလာရေပိုင် သား၊ သမီးတိ ပညာရေးကိုပါ ဆုံးခန်းတိုင်အောင် သင်ပေးနိုင်ခပါရေ။

ဒေပိုင်နဲ့ သူရေ ဝန်ထမ်းတစ်ဖက်၊ တစ်ပိုင်တစ်နိုင် လုပ်ငန်းချေက တစ်ဖက်နဲ့ နှစ်အင်တန်ချေကြာရေအထိ အဆင်ပြေနီခကေလေ့ အ သက် အရွယ်ရလာရေအချိန်မှာ အတွေးတစ်ခုဝင်ပါလတ်ပါရေ။ ဒေချင့်ကတော့ခါ အုန်းရည်အငေါက်ရည်ရောင်းနီစွာရေ သူ့အသက်အ ရွယ်နဲ့ လိုက်လျောညီထွေရေ အလုပ်ဖြစ်ယင့်လားဆိုစွာပါ။

“ပြောရဖို့ဆိုကေ သား၊ သမီးတိကို စာသင်စွာလေ့ ဒေဝင်ငွေနဲ့ဗျာလ်။ လစာက အရင်ကဆိုကေ ထောင်ဂဏန်းရာရှိရေ။ တစ်သိန်းလော က်နဲ့က လူတစ်ယောက်ထမင်းတောင်မစားရဘူး။ သား၊ သမီး ၃ ယောက်ရှိရေ။ ၃ ယောက်လုံးကို ၁၀ တန်းအောင်၊ ဘွဲ့ရအောင်သင်နိုင် ရေဆိုစွာ ဒေဝင်ငွေနဲ့ ရုန်းကန်လာခစွာ။ အသက်ကြီးလာလို့ သူရို့လေ့ ကိုယ့်စွာနဲ့ကိုယ် အိမ်ထောင်ပြုခါ အငေါက်ရည်လုပ်ငန်းကို ဖြုတ် လိုက်တေ။ နှစ်ပေါင်း ၁၀ ကျော်နီယာ။ အသက်ကြီးလာခါ ပပင်ပပန်းလေ့မလုပ်ချင်ယာ။ ဒေလုပ်ငန်းက ကျန်းမာရေး လေ့ထိခိုက်တေ။ ဘိတ်တောမှာ လုပ်ရခါ တော်ရုံကျန်းမာရေး မကောင်းရေလူတိ မလုပ်နိုင်။”

သူရို့မိသားစုအတွက် အဆင်ပြေနီရေ။ အပိုဝင်ငွေရနီရေဆိုကေလေ့ လူကိုမူးယစ်စီပြီးကေ ရောင်းချသူတစ်ယောက်တည်းယာ အကျိုး လို့ သတ်မှတ်ပြီးကေ အုန်းရည်အငေါက်လုပ်ငန်းကို စွန့်လွှတ်ခပါရေ။ ယကေလေ့ သူအနစ်နာခံပြီးကေ ဝယ်ယူထားရရေ ရီအုန်းတောကိုတော့ခါ ဇာနည်းနဲ့လေ့ အဆုံးရှုံးမခံခပါ။ အုန်းအချိုရည်လုပ်ငန်းကို ပြောင်းလဲလုပ်ကိုင်ခပါရေ။

“အစက အငေါက်ရည်လုပ်တေ။ အငေါက်ရည်က အသက်ကြီးလာရေအချိန်မှာ အသက်ရွယ်အားဖြင့် မကောင်းဘူး။ လူကိုမူးယစ်စီရေအ တွက် ဖြုတ်လိုက်တေ။ အချိုရည်လုပ်စွာဆိုကေ ဘာသာရေးနဲ့လေ့ ကိုက်ညီရေ။ ဘုန်းကြီးတိတောင် သုံးဆောင်လို့ရရေ။ ယင်းကြောင့် ေ ဒလိုင်းကို ပြောင်းလိုက်တေ။ အချိုရည်ဆိုကေ ပြဿနာလေ့ မရှိ။ မူးစီရေအရာ တစ်ခုလေ့ မပါ။”လို့ ဆိုပါရေ။

သူရေ သား၊ သမီးတိ ပညာတတ်အောင်သင်ပီးလို့ အသက်အရွယ်ရလာချိန်မှာ အစိုးရအမှုထန်းဘဝက အငြိမ်းစားပင်စင်ယူခပြီးကေ ယင်းကရရေငွေနဲ့သူတပိုင်တနိုင်လုပ်နီရေ ဓနိချိုရည်လုပ်ငန်းကိုယှဉ်တွဲလုပ်ကိုင်ရင်း ရောင်းချနီခရေလို့ ဆိုပါရေ။

တစ်ရက်နိမိုးထမှာတော့ သဘာဝအုန်းချိုရည်အစစ်ကို လုပ်ဆောင်နီသူတစ်ဦးနဲ့ တွိလိုကြောင်း အသိတစ်ယောက်က မိတ်ဆက်ပီးလာ ရေအတွက် သူရေ ဟိုတယ်လုပ်ငန်းရှင်တစ်ဦးနဲ့ တွိခွင့်ရခပါရေ။

“ကိုကျော်ဝင်းလှိုင် မြောက်ဦးဟိုတယ်မှာ လုပ်တေ။ သူက မြောက်ဦးဇာတိဆိုခါ အုန်းရည် အစစ်၊ အတုကိုသိရေ။ ယင်းချင့်ကို ဟိုတယ် က လိုချင်ရေ။ သူရို့ဟိုတယ်မှာ သဘာဝကရရေ အစားအစာတိကို နိုင်ငံခြားသားတိ အထူးဧည့်သည်တိကို ကျွေးချင်ရေ။ တိုက်ချင်ရေ ဆိုခါ သူက ပြောပြရေ။ ကျွန်တော်နဲ့ သူငယ်ချင်း ဝန်ထမ်းတစ်ယောက်ရှိရေ။ အစိုးရရုံးမှာလုပ်တေ။ လေ့လာချင်ကေရရေဆိုပြီးကေပြော ပြရေ။ ယင်းချင့်ကို အခင်ကိုပြောပြရေ။ ဟိုတယ်ကပိုင်ရှင်က အစ်ကို့ အချိုရည်ကို စုံစမ်းချင်ရေ။ သူရို့လာတွိကေ ပြောပြ ပီးလို့ရဖို့လား မီးရေ။ အခင်ကရရေ။ စိတ်ဝင်စားလို့လာစွာကို ဆိုပြီးကေ ခေါ်လိုက်တေ။”

သူ့ပါးကိုလာတွိရေ မြောက်ဦးမြို့ “မင်းသမီး”ဟိုတယ်လုပ်ငန်းရှင်တိက သူရို့ဟိုတယ်မှာ တည်းခိုရေ နိုင်ငံခြားသားတိ၊ အထူးဧည့်သည် တိကို ကျွေးမွေးဖို့အတွက် အုန်းချိုရည်စစ်စစ်ကို လိုချင်ကြောင်း သူနဲ့ဆွေးနွေးခပြီးကေ စစ်၊ မစစ်ကို စမ်းသတ်ခရေလို့ ဆိုပါရေ။

“အခင်ကိုယုံကြည်လားရေ။ သူရို့ မိုးထပိုင်းယူလားရေ။ စမ်းကြည့်ရေ။ ပြီးကေ ဈီးကစွာတိနဲ့ ယှဉ်ကြည့်ရေ။ မတူ။ မတူခါ သူရို့က အခင် အကျွန်ရို့လာရေ အချိန်မှာသောက်ချင်ရေ။ စမ်းသပ်တေပေါ့။ သူရို့က။ အခင်က ရရေဆိုပြီးကေ ဝါးကျဉ်တောက်ကို ညကပင်တည်ထား ရေ။ သူရို့က ပကတိအခြေအနေကို လိုချင်ရေ။ ရီရောထားလား။ ဘာညာပေါ့။ အခင်ကပြောရေ။ လာလတ်။ သူရို့လာရေ အချိန်မှာ ကို ယ်တိုင်ဖော်ဖို့။ လက်တွိဖော်လို့ သောက်ကြည့်။ ရောက်ခါ သူရို့ညဦးက သောက်ခရေအရည်နဲ့ အခုကျဉ်က ဖော်လို့သောက်တေအရည် နဲ့ ယှဉ်သောက်ကတ်တေ။ အခင်ကလေ့ သူတို့သိလားအောင် ဒေပိုင်လုပ်ရရေပြောရေ။ နောက်ထပ် နေ့ခင်းထပ်လာရေ။” လို့ သူစမ်းသပ်ခံခရရေ အကြောင်းကို ဦးမောင်ဖြူချေက ပြန်ပြောင်းပြောပြပါရေ။

ဟိုတယ်ဖက်ကလေ့ သူရို့လိုချင်ရေ တကယ့်ဘသာဝစစ်စစ်အရသာကို ရရှိပြီးနောက်မှာတော့ ဦးမောင်ဖြူချေ ရိုးသားကြောင်းကို သိ လားပြီးကေ အုန်းသကာရည်ကိုလေ့ သဘာဝအတိုင်းလိုချင်ရေဆိုပနာ သူရို့ကို လုပ်ပီးဖို့ ကမ်းလှမ်းလာပါရေ။ အုန်းသကာရည်လုပ်စွာ ရေ အုန်းအချိုရည်၊ အငေါက်ရည်ရို့လုပ်စွာနဲ့ မတူဘဲ အရင်းအနှီးများပိုင် အချိန်ကုန်ခံပြီးကေလုပ်ရရေ လုပ်ငန်းတစ်ခုဖြစ်လို့ ဦးမောင်ဖြူ ချေအတွက် အဆင်မပြေခပါ။

ဦးမောင်ဖြူချေက “သူရို့က သကာရည်ကိုလေ့ အစစ်လိုချင်ရေလတ်။ ဆိုခါ အခင်က ရှင်းပြရေ။ သကာရည်တစ်ပုလင်းထွက်ဖို့ အတွက် ကို အရင်ဆုံး အချိုရည် ၆ ထောင်ဖိုးရင်းရရေ။ (အုန်းချိုရည်) ၁၂ ပုလင်းပေါ့။ နောက်တစ်ခါ ထင်း ၃ ဖိုးလောက်လိုရေ။ ဆိုကေ ၉ ထောင် ဖိုးဖြစ်လားယာ။ ကိုယ့်ထင်းနဲ့လုပ်လို့ ထင်းခ မရင်းရကေလေ့ သကာရည်လုပ်ဖို့အတွက် အရင်းမြှုပ်ထားရစွာမလွယ်။ နယ်က လူတိမှာက ထင်းဆိုလေ့ ကိုယ့်ထင်း။ အပိုလျှံပစ္စည်းတစ်ခုအနီနဲ့ ရောင်းကတ်စွာလေ။ ၁၅၀၀ ဆိုလေ့ ရောင်းကတ်တေပေါ့။ ကိုယ့်ဒေသက လူတိက လေ့ တန်ဖိုးမထားရေအတွက်ကြောင့်နဲ့ စျီးမပီးခါ ရောင်းမထွက်။”လို့ ရှင်းပြပါရေ။

ဒေပိုင်နဲ့ ဟိုတယ်လုပ်ငန်းရှင်တိက ဦးမောင်ဖြူချေကို သကာရည်လုပ်ဖို့အတွက်ပါ အရင်းအနှီးထုပ်ပီးခပြီးကေ နောက်ခါမှ ဒေလုပ်ငန်းကို လုပ်ဖို့ သလောတူလာစွာ ဖြစ်ပါရေ။

“သူရို့က အချိုရည်ကိုလေ့ အစစ်လုပ်ပီးရေအတွက်နဲ့ သကာရည်ကိုလေ့ အစစ်လိုချင်ရေ။ ၅ ထောင်၊ ၆ ထောင်ဖို့ ရင်းရကေ အကျွန်ရို့ ၅ ထောင်ပီးမေ။ အကျွန်ရို့ကို လုပ်ပီးလတ်။ ဆိုခါ ချက်ပြီးကေ ပြခဲ့ရရေ။”

ဟိုတယ်လုပ်ငန်းရှင်နဲ့ သူ့ကြားမှာ ယုံကြည်မှုရလားပြီးနောက်မှာ ဟိုတယ်ဖက်က တစ်ရက်မှာ တစ်ပုလင်း၊ ၂ ပုလင်း စသဖြင့် တဖြည်းဖြ ည်း သုံးစွဲလာရေလို့ ဆိုပါရေ။ ဒေပိုင်နဲ့ ၂၀၁၈ ခုနှစ်မှာတော့ Artisans de Mrauk U ဆိုရေ အဖွဲ့စည်းက သူရဲ့သကာရည်ကို Organic Valley နဲ့ မိတ်ဆက်ပီးခပြီးကေ ရန်ကုန်မြို့က တောင်သူလယ်သမားစျီးကတစ်ဆင့် ဖြန့်ချိခစွာလို့ ဆိုပါရေ။
မူရင်းထုတ်လုပ်သူ ဦးမောင်ဖြူချေကို ဂုဏ်ပြုရေ အနေနဲ့ သူ့အရုပ်ကို ပုလင်းမှာ တံဆိပ်အဖြစ်ကပ်ပနာ သန့်ရှင်းသပ်ရပ်တေ ထုတ်ပိုးမှုပုံ စံနဲ့ ထုတ်ဝေထားစွာလေ့ ဖြစ်ပါရေ။

“အခင်အတွက်အဆင်ပြေအောင် အကျွန်ရို့က လုပ်ပီးစွာ။ ဒေဒေသထွက်ကစ္စည်း စစ်တေ။ အမှန်ရှိရေဆိုစွာကို ပြချင်လို့ သူရို့က သမ္မ တ၊ ဒေါ်အောင်ဆန်းစုကြည်ရို့နဲ့ လုပ်တေအစားအစာပြပွဲမှာ တင်ပီးဗျာလ် မြည်းခိုင်းရေ။ ကြိုက်တယ်လတ်။ ပုလင်းပုံစံချေတိကအစပါ ရေ။ အခင်အရုပ်လေ့ပါရေလေ။ ယင်းပုလင်းချေမှာ။ အခင်ကလေ့ ဝမ်းသာရေပေါ့။”

ယင်းနောက်မှာ သကာရည်ကို ဓာတ်ခွဲစမ်းသတ်မှု ပြုလုပ်ခရေလို့ ဆိုပါရေ။ ဓာတ်ခွဲစမ်းသမ်းချက်အရတော့ခါ သဘာဝအတိုင်း ချက်လုပ် ထားစွာဖြစ်လို့ ဇီးချိုသမားတိတောင် စားသုံးနိုင်ရေဆို့ ဆိုပါရေ။ လက်ရှိမှာတော့ ယင်းသကာရည်နဲ့ ပထမဆုံး L’Amour du Gont လို့ ခေါ်ရေ ဒိန်ချဉ်တမျိုးကိုလေ့ ထုတ်လုပ်ထားပနာ ယင်းဒိန်ချဉ်ဆိုကေလေ့ လက်ရှိ ရန်ကုန်စျီးကွက်မှာ လူကြိုက်များနီရေလို့ Organic Valley ရဲ့ ထုတ်ပြန်ချက်မှာ ပါရှိပါရေ။

“အရောင်ကလေ့ နက်တေ။ သကာရောင်ဆိုကေ သိရေအတိုင်းယာမနားယေ။ အရောင်စပ်ထားစွာ မဟုတ်။ စပ်လို့က မရ။ စပ်ကေမှား ယာ။ မသိရေလူတိက ငံပြာရည်ထည့်အောင်ထင်ရေ။ အချိုလိုစွာကို ငံပြာရည်ထည့်ကေ ခါးလီဖို့ယာ။ ချက်လိုက်တေအခါမှာ အိုးမှာ အ ဆီပိုင်ဖြစ်လားပြီးကေ အရောင်ပြောင်းလားစွာ။ နောက်ပြီးကေ ဇာမှာစားလေလတ်။ အခင်ရို့မှာ ဒေသထွက်ကောက်ညှင်းပေါင်းလို့ရှိရေ။ ကောက်ညှင်းနဲ့လေ့ လူးလို့စားရေ။ မရိုးပပေါက်လို့ရှိရေ။ မုန့်သန်းကိုလှော်ပြီးကေ လုပ်စွာ။ ယင်းမှာလေ့ ပျောင်းလည်းပျောင်း၊ ချိုလေ့ချို ရေ။ သို့သော် တခါတခါ အချိုင်ပေါက်မှရရေ။ ပေါင်မုန့်ကိုလေ့ စားလို့ရရေ။ မုန့်မျိုးစုံကို ဒေချင့်နဲ့စားလိုက်ကေ နို့ဆီနဲ့ စားစွာထက်ကောင်း ရေ။ အခင်လေ့ စားပြရေ။ ယုံကြည်မှုရအောင်ပေါ့။ ဒေပိုင်စားရရေ။ သူရို့က ယင်းပိုင်ဆိုကေ အခင်မှာ ရသလောက်ကိုချက်လတ်။ သူရို့ က ကြော်ညာချင်ရေ။ နိုင်ငံခြားသားတိရောက်တေ။ အခင်က ကျွေးလိုက်လို့ပြောရေ။ ဒေချင့်က တစ်ခုထိခိုက်မှုလေ့ မရှိ။ ကျွေးကြည့်ရေ။ ကျွေးခါ ကြိုက်တေ။ နှစ်တိုင်းရောက်နီကတ်ခါ အဆန်းချေတိဆိုကေ သောက်ကတ်တေ။ စားကတ်တေ။ သူရို့က ဇာပိုင်လုပ်လေ။ ဇာပိုင် ဖျော်လေ။ သကြားဇာလောက်ပါလဲမီးကတ်သိမ့်ရေ။ ဒေချင့်က ဖျော်ရည်မဟုတ်။ ဒေကပင်ကိုယ် သဘာဝကရရေ အရည်တစ်ခု။”

နောက်ပြီးကေ ဒေသကာရည်ကို တောင်သူလယ်သမားစျီးကတစ်ဆင့် ရန်ကုန်က City Mart တိကပါ မှာယူရောင်းချနီကတ်ဗျာလ်ဖြစ်ပြီး ကေ ပြည်တွင်းမှာရာမက ပြည်ပစျီးကွက်မှာပါ ထိုးဖောက်နိုင်ဖို့ ကြိုးပမ်လျက်ရှိရေလို့ ယင်းထုတ်ပြန်ချက်က ဆိုထားပါရေ။

လက်ရှိမှာဆိုကေ ဦးမောင်ဖြူချေက ဒေသကာရည်ကို တတ်နိုင်သလောက်ချက်လုပ်နီပြီးကေ ရန်ကုန်ကိုတင်ပို့ပနာ လိုအပ်စွာတကို နယ် က မှာယူလုပ်နီဗျာလ်ဖြစ်လို့ ဒေသခံတိအနီနဲ့လေ့ စျီးကွက်မှာရောင်းရကေ ရောင်းရသလောက် ဝင်ငွေရရှိကတ်ဖို့ဗျာလ် ဖြစ်ပါရေ။
ယကေလေ့ ဦးမောင်ဖြူချေပိုင် ရရိုးသသားနဲ့ ထုတ်လုပ်ပြီးကေ ဇာဓာတုပစ္စည်းတိကိုလေ့ အသုံးမပြုပဲချက်လုပ်မှရာ တော်ရာကျပါလိမေ။

“ဂုဏ်ယူရေပေါ့။ ကိုယ်လုပ်တေပစ္စည်းတစ်ခုကို အများကလက်ခံရေ။ ကိုယ်ရရိုးသသား လုပ်လိုက်ဗျာလ်ဆိုကေ အများက လက်ခံပြီး သားဗျာလ်။ အမှန်ကတယ်လေ့ ကိုယ်က ရိုးသားဖို့လိုရေ။ အစားအစာဆိုစွာက မရိုးသားကေ အဆိပ်ဖြစ်တတ်တေ။ ဟုတ်တယ်မလား။ ကိုယ့်နိုင်ငံသားတောင် မသိစွာ။ မြောက်ဦးမြို့သားတောင် အတုထင်နီစွာ။ ဇာပိုင်လုပ်ရမှန်းတောင်မသိ။ ပြောရဖို့ဆိုကေ မြို့ကအချေတိ ရေ ရအုန်းခိုင်ဆိုကေ တန်ဖိုးမထားကတ်။ ယင်းပိုင်စွာတိရှိကတ်တေ။ စစ်တွေကဆိုကေ ပိုဝီးရေ။ ရန်ကုန်ဆိုပိုဆိုး။ နိုင်ငံခြားသားဆို ပိုဝီး ရေ။ သူရို့ကလေ့ တန်ဖိုးထားလို့ ဒေချင့်သည် လွယ်လွယ်ကူကူနဲ့ ရလာစွာမဟုတ်။”

(Zawgyi Version)

ထူး၊ ႐ိုးမေရဒီယိုမဂၢဇင္း

ရွိေဟာင္းယဥ္ေက်းမႈအမီြအႏွစ္တိ စု႐ုံးတည္ရွိရာ ေျမာက္ဦးေဒသရာဆိုလို႔ရွိေက ကမၻာ့လွည့္ရီးလားတိ၏ စိတ္ဝင္စားမႈကို အထူးတ လည္ခံနီရေရေဒသတစ္ခု ျဖစ္ပါေရ။

ယင္းေျမာက္ဦးေဒသက ထြက္ရွိေရ အုန္းသကာရည္ေရ ရန္ကုန္ၿမိဳ႕စ်ီးကြက္ကို ေရာက္ရွိလာၿပီးေက လတ္တေလာမွာ လူႀကိဳက္မ်ားနီစြာ ကို တြိရပါေရ။ ေဒထုတ္ကုန္ကို Artisan de Mrauk U လို႔ေခၚေရ အဖြဲ႔စည္းတစ္ခုက Organic Valley နဲ႔ မိတ္ဆက္ပီးခၿပီးေက ရန္ကုန္ ၿမိဳ႕က ေတာင္သူလယ္သမားစီ်းကတစ္ဆင့္ ျဖန္႔ခ်ိခစြာလို႔သိရပါေရ။ ယင္းသကာရည္နဲ႔ ျပဳလုပ္ထားေရ L’Amour du Gout လို႔ေခၚေရ ဒိန္ခ်ိဳင္ကိုေလ့ စီ်းကြက္မွာ ျဖန္႔ခ်ိထားဗ်ာလ္ျဖစ္ပါေရ။

အခုဆိုေက ေဒသကာရည္ကို ျပည္တြင္းစ်ီးကြက္မွာရာမက ျပည္ပစ်ီးကြက္ကိုေလ့ ထိုးေဖာက္ႏိုင္ေအာင္ ႀကိဳးပမ္းလွ်က္ရွိေရလို႔ Organic Valley ေဖ့စ္ဘုတ္ေပ့ခ်္ကနီ ထုတ္ျပန္ထားပါေရ။ အခုပိုင္ လူအမ်ားႀကိဳက္ႏွစ္သစ္ေတ သဘာဝစစ္စစ္ အုန္းသကာရည္ျဖစ္လာေအာင္ အဓိကထုတ္လုပ္နီသူကေတာ့ အသက္ ၆၄ ႏွစ္အရြယ္ ဦးေမာင္ျဖဴေခ်ပါ။

“ေထြအုပ္႐ုံးတိမွာက အပိုဝင္ေငြရေရ။ ငါ႐ို႕စာရင္း႐ုံးမွာက အပိုဝင္ေငြကမရွိ။ ကိုယ့္လစာနဲ႔ ကိုယ္႐ုန္းရေရ။ အပိုဝင္ေငြ  ဇာပိုင္ရဖို႔လဲ။ ဆို ခါ  ဓနိေတာတစ္ေတာ ဝယ္လိုက္ေတ။ ယင္းခိုက္က ၁၉၈၂ ခုႏွစ္မွာ ဝယ္စြာ။ ၁၂၀၀ က်ေရ။ လစာ ၁၀၀ ရေရ ေခတ္မွာ ၁၂၀၀ က်ေရ။ ေတာျဖစ္နီစြာကို အငွားခြတ္ခိုင္းေရ။ ရွင္းလင္းခ ၁၀၀ ပီးရသိေရ။ တစ္လစာပီးလိုက္ရေရ။ ေနာက္တစ္ႏွစ္မွာဓနိခိုင္ ၉ ခုိင္က စခြတ္ေတ။ အုန္းရည္တစ္ပုလင္းကို ငါးမုရေရ။ တစ္ျပားေတာင္ မဟုတ္။ ယင္းပိုင္ရ႐ိုးသသား ရွာလာရေရေပါ့။ တစ္ပုလင္းကို ငါးမုဆိုေက ၈ ပုလင္း ကို ၄ ျပားရယာေလ။ ၄ ျပားဆိုေက တစ္ရက္စ်ီးစရိုက္ရယာ။ ေဒလုပ္ငန္းကို စလို႔မလုပ္ခင္ကေတာ့ ခံခဲ့ရေရ။”လို႔ သူစတင္လို႔ လုပ္ေဆာ င္ခရေရအေၾကာင္းကို ဦးေမာင္ျဖဴေခ်က ေျပာျပပါေရ။

သူေရ ေျမာက္ဦးၿမိဳ႕၊ ေလာ္ကမူရပ္ကြက္မွာ နီထိုင္ေရ အစိုးရအၿငိမ္းစားဝန္းထမ္းတစ္ဦးပါ။ သူအေခ်ခါက မိဘရို႕ေက်းဇူးေၾကာင့္ ၁၀ တန္းအထိပညာသင္ခြင့္ရခေကေလ့ စာေမးပြဲ႐ွဴခလို႔ သူနဲ႔ သင့္ေတာ္ဖို႔ ေအာက္ေျခအလုပ္တစ္ခုကိုရွာေဖြၿပီးေက ေျမာက္ဦး ၿမိဳ႕က စာ ရင္းစစ္႐ုံးမွာ အလုပ္ဝင္ခစြာလို႔ ဆိုပါရ။

သူေရ ယင္း႐ုံးမွာဗ်ာလ္ လုပ္ရင္းကိုင္ရင္းနဲ႔ အိမ္ေထာင္က်ၿပီးေက သား၊ သမီးတိရာရလို႔ ႏွစ္တိရာၾကာလာခေကေလ့ ရာထိုးေလ့ မတိုးခ ပိုင္ အပိုဝင္ေငြေလ့ မရရွိစြာေၾကာင့္ ဝန္ထမ္းလစာေငြနဲ႔ မေလာက္ငွဘဲ ေငြေၾကးခ်ိဳ႕တဲ့မႈျပႆနာ ေပၚေပါက္လာခပါေရ။ ေဒပိုင္နဲ႔ သူေရ ဝန္ထမ္းလုပ္နီရင္း အပိုဝင္ေငြရွာဖို႔ ႀကိဳးစား႐ုန္းကန္လာခရပါေရ။ ေဒခ်င့္တိကေလ့ ဦးေမာင္ျဖဴေခ်ကို အခုပိုင္ ဘဝမ်ိဳးကိုေရာက္ဖို႔ တြန္း အားတစ္ခုဗ်ာလ္ မဟုတ္ပါလား။

ေနာက္ဆုံးမွာေတာ့ေက သူ႐ို႕ေဒသမွာေပါမ်ားေရ ရီအုန္းေတာတစ္ခုဝယ္ဖို႔ဆုံးျဖတ္ခၿပီးေက အုန္းရည္တိ ထုတ္လုပ္ေရာင္းခ်ခစြာလို႔ ဆိုပါေရ။ သူက ေဒလုပ္ငန္းဖက္ကို ေျပာင္းလုပ္လာခၿပီးေရ ေနာက္ပိုင္းမွာေတာ့ စားဝတ္နီေရးအပိုင္းမွာ အဆင္ေျပလာေရပိုင္ သား၊ သမီးတိ ပညာေရးကိုပါ ဆုံးခန္းတိုင္ေအာင္ သင္ေပးႏိုင္ခပါေရ။

ေဒပိုင္နဲ႔ သူေရ ဝန္ထမ္းတစ္ဖက္၊ တစ္ပုိင္တစ္ႏိုင္ လုပ္ငန္းေခ်က တစ္ဖက္နဲ႔ ႏွစ္အင္တန္ေခ်ၾကာေရအထိ အဆင္ေျပနီခေကေလ့ အ သက္ အရြယ္ရလာေရအခ်ိန္မွာ အေတြးတစ္ခုဝင္ပါလတ္ပါေရ။ ေဒခ်င့္ကေတာ့ခါ အုန္းရည္အေငါက္ရည္ေရာင္းနီစြာေရ သူ႔အသက္အ ရြယ္နဲ႔ လိုက္ေလ်ာညီေထြေရ အလုပ္ျဖစ္ယင့္လားဆိုစြာပါ။

“ေျပာရဖို႔ဆိုေက သား၊ သမီးတိကို စာသင္စြာေလ့ ေဒဝင္ေငြနဲ႔ဗ်ာလ္။ လစာက အရင္ကဆိုေက ေထာင္ဂဏန္းရာရွိေရ။ တစ္သိန္းေလာ က္နဲ႔က လူတစ္ေယာက္ထမင္းေတာင္မစားရဘူး။ သား၊ သမီး ၃ ေယာက္ရွိေရ။ ၃ ေယာက္လုံးကို ၁၀ တန္းေအာင္၊ ဘြဲ႔ရေအာင္သင္ႏိုင္ ေရဆိုစြာ ေဒဝင္ေငြနဲ႔ ႐ုန္းကန္လာခစြာ။ အသက္ႀကီးလာလို႔ သူ႐ို႕ေလ့ ကိုယ့္စြာနဲ႔ကိုယ္ အိမ္ေထာင္ျပဳခါ အေငါက္ရည္လုပ္ငန္းကို ျဖဳတ္ လိုက္ေတ။ ႏွစ္ေပါင္း ၁၀ ေက်ာ္နီယာ။ အသက္ႀကီးလာခါ ပပင္ပပန္းေလ့မလုပ္ခ်င္ယာ။ ေဒလုပ္ငန္းက က်န္းမာေရး ေလ့ထိခိုက္ေတ။ ဘိတ္ေတာမွာ လုပ္ရခါ ေတာ္႐ုံက်န္းမာေရး မေကာင္းေရလူတိ မလုပ္ႏုိင္။”

သူ႐ို႕မိသားစုအတြက္ အဆင္ေျပနီေရ။ အပိုဝင္ေငြရနီေရဆိုေကေလ့ လူကိုမူးယစ္စီၿပီးေက ေရာင္းခ်သူတစ္ေယာက္တည္းယာ အက်ိဳး ရွိေရ လို႔ သတ္မွတ္ၿပီးေက အုန္းရည္အေငါက္လုပ္ငန္းကို စြန္႔လႊတ္ခပါေရ။ ယေကေလ့ သူအနစ္နာခံၿပီးေက ဝယ္ယူထားရေရ ရီအုန္းေတာကိုေတာ့ခါ ဇာနည္းနဲ႔ေလ့ အဆုံး႐ႈံးမခံခပါ။ အုန္းအခ်ိဳရည္လုပ္ငန္းကို ေျပာင္းလဲလုပ္ကိုင္ခပါေရ။

“အစက အေငါက္ရည္လုပ္ေတ။ အေငါက္ရည္က အသက္ႀကီးလာေရအခ်ိန္မွာ အသက္႐ြယ္အားျဖင့္ မေကာင္းဘူး။ လူကိုမူးယစ္စီေရအ တြက္ ျဖဳတ္လိုက္ေတ။ အခ်ိဳရည္လုပ္စြာဆိုေက ဘာသာေရးနဲ႔ေလ့ ကိုက္ညီေရ။ ဘုန္းႀကီးတိေတာင္ သုံးေဆာင္လို႔ရေရ။ ယင္းေၾကာင့္ ေ ဒလိုင္းကို ေျပာင္းလိုက္ေတ။ အခ်ိဳရည္ဆိုေက ျပႆနာေလ့ မရွိ။ မူးစီေရအရာ တစ္ခုေလ့ မပါ။”လို႔ ဆိုပါေရ။

သူေရ သား၊ သမီးတိ ပညာတတ္ေအာင္သင္ပီးလို႔ အသက္အရြယ္ရလာခ်ိန္မွာ အစိုးရအမႈထန္းဘဝက အၿငိမ္းစားပင္စင္ယူခၿပီးေက ယင္းကရေရေငြနဲ႔သူတပိုင္တႏိုင္လုပ္နီေရ ဓနိခ်ိဳရည္လုပ္ငန္းကိုယွဥ္တြဲလုပ္ကိုင္ရင္း ေရာင္းခ်နီခေရလို႔ ဆိုပါေရ။

တစ္ရက္နိမိုးထမွာေတာ့ သဘာဝအုန္းခ်ိဳရည္အစစ္ကို လုပ္ေဆာင္နီသူတစ္ဦးနဲ႔ တြိလိုေၾကာင္း အသိတစ္ေယာက္က မိတ္ဆက္ပီးလာ ေရအတြက္ သူေရ ဟိုတယ္လုပ္ငန္းရွင္တစ္ဦးနဲ႔ တြိခြင့္ရခပါေရ။

“ကိုေက်ာ္ဝင္းလႈိင္ ေျမာက္ဦးဟိုတယ္မွာ လုပ္ေတ။ သူက ေျမာက္ဦးဇာတိဆိုခါ အုန္းရည္ အစစ္၊ အတုကိုသိေရ။ ယင္းခ်င့္ကို ဟိုတယ္ က လိုခ်င္ေရ။ သူ႐ို႕ဟိုတယ္မွာ သဘာဝကရေရ အစားအစာတိကို ႏုိင္ငံျခားသား‌တိ အထူးဧည့္သည္တိကို ေကြၽးခ်င္ေရ။ တိုက္ခ်င္ေရ ဆိုခါ သူက ေျပာျပေရ။ ကြၽန္ေတာ္နဲ႔ သူငယ္ခ်င္း ဝန္ထမ္းတစ္ေယာက္ရွိေရ။ အစိုးရ႐ုံးမွာလုပ္ေတ။ ေလ့လာခ်င္ေကရေရဆိုၿပီးေကေျပာ ျပေရ။ ယင္းခ်င့္ကို အခင္ကိုေျပာျပေရ။ ဟိုတယ္ကပိုင္ရွင္က အစ္ကို႔ အခ်ိဳရည္ကို စုံစမ္းခ်င္ေရ။ သူ႐ို႕လာတြိေက ေျပာျပ ပီးလို႔ရဖို႔လား မီးေရ။ အခင္ကရေရ။ စိတ္ဝင္စားလို႔လာစြာကို ဆိုၿပီးေက ေခၚလိုက္ေတ။”

သူ႔ပါးကိုလာတြိေရ ေျမာက္ဦးၿမိဳ႕ “မင္းသမီး”ဟိုတယ္လုပ္ငန္းရွင္တိက သူ႐ို႕ဟိုတယ္မွာ တည္းခိုေရ ႏိုင္ငံျခားသားတိ၊ အထူးဧည့္သည္ တိကို ေကြ်းေမြးဖို႔အတြက္ အုန္းခ်ိဳရည္စစ္စစ္ကို လိုခ်င္ေၾကာင္း သူနဲ႔ေဆြးေႏြးခၿပီးေက စစ္၊ မစစ္ကို စမ္းသတ္ခေရလို႔ ဆိုပါေရ။

“အခင္ကိုယုံၾကည္လားေရ။ သူ႐ို႕ မိုးထပိုင္းယူလားေရ။ စမ္းၾကည့္ေရ။ ၿပီးေက ဈီးကစြာတိနဲ႔ ယွဥ္ၾကည့္ေရ။ မတူ။ မတူခါ သူ႐ို႕က အခင္ အကြၽန္႐ို႕လာေရ အခ်ိန္မွာေသာက္ခ်င္ေရ။ စမ္းသပ္ေတေပါ့။ သူ႐ို႕က။ အခင္က ရေရဆိုၿပီးေက ဝါးက်ဥ္ေတာက္ကို ညကပင္တည္ထား ေရ။ သူ႐ို႕က ပကတိအေျခအေနကို လိုခ်င္ေရ။ ရီေရာထားလား။ ဘာညာေပါ့။ အခင္ကေျပာေရ။ လာလတ္။ သူ႐ို႕လာေရ အခ်ိန္မွာ ကို ယ္တိုင္ေဖာ္ဖို႔။ လက္တြိေဖာ္လို႔ ေသာက္ၾကည့္။ ေရာက္ခါ သူ႐ို႕ညဦးက ေသာက္ခေရအရည္နဲ႔ အခုက်ဥ္က ေဖာ္လို႔ေသာက္ေတအရည္ နဲ႔ ယွဥ္ေသာက္ကတ္ေတ။ အခင္ကေလ့ သူတို႔သိလားေအာင္ ေဒပိုင္လုပ္ရေရေျပာေရ။ ေနာက္ထပ္ ေန႔ခင္းထပ္လာေရ။” လို႔ သူစမ္းသပ္ခံခရေရ အေၾကာင္းကို ဦးေမာင္ျဖဴေခ်က ျပန္ေျပာင္းေျပာျပပါေရ။

ဟိုတယ္ဖက္ကေလ့ သူ႐ို႕လိုခ်င္ေရ တကယ့္ဘသာဝစစ္စစ္အရသာကို ရရွိၿပီးေနာက္မွာေတာ့ ဦးေမာင္ျဖဴေခ် ႐ုိးသားေၾကာင္းကို သိ လားၿပီးေက အုန္းသကာရည္ကိုေလ့ သဘာဝအတိုင္းလိုခ်င္ေရဆိုပနာ သူ႐ို႕ကို လုပ္ပီးဖို႔ ကမ္းလွမ္းလာပါေရ။ အုန္းသကာရည္လုပ္စြာ ေရ အုန္းအခ်ိဳရည္၊ အေငါက္ရည္႐ို႕လုပ္စြာနဲ႔ မတူဘဲ အရင္းအႏွီးမ်ားပိုင္ အခ်ိန္ကုန္ခံၿပီးေကလုပ္ရေရ လုပ္ငန္းတစ္ခုျဖစ္လို႔ ဦးေမာင္ျဖဴ ေခ်အတြက္ အဆင္မေျပခပါ။

ဦးေမာင္ျဖဴေခ်က “သူ႐ို႕က သကာရည္ကိုေလ့ အစစ္လိုခ်င္ေရလတ္။ ဆိုခါ အခင္က ရွင္းျပေရ။ သကာရည္တစ္ပုလင္းထြက္ဖို႔ အတြက္ ကို အရင္ဆုံး အခ်ိဳရည္ ၆ ေထာင္ဖိုးရင္းရေရ။ (အုန္းခ်ိဳရည္) ၁၂ ပုလင္းေပါ့။ ေနာက္တစ္ခါ ထင္း ၃ ဖိုးေလာက္လိုေရ။ ဆိုေက ၉ ေထာင္ ဖိုးျဖစ္လားယာ။ ကိုယ့္ထင္းနဲ႔လုပ္လို႔ ထင္းခ မရင္းရေကေလ့ သကာရည္လုပ္ဖို႔အတြက္ အရင္းျမွဳပ္ထားရစြာမလြယ္။ နယ္က လူတိမွာက ထင္းဆိုေလ့ ကိုယ့္ထင္း။ အပိုလွ်ံပစၥည္းတစ္ခုအနီနဲ႔ ေရာင္းကတ္စြာေလ။ ၁၅၀၀ ဆိုေလ့ ေရာင္းကတ္ေတေပါ့။ ကိုယ့္ေဒသက လူတိက ေလ့ တန္ဖိုးမထားေရအတြက္ေၾကာင့္နဲ႔ စ်ီးမပီးခါ ေရာင္းမထြက္။”လို႔ ရွင္းျပပါေရ။

ေဒပိုင္နဲ႔ ဟိုတယ္လုပ္ငန္းရွင္တိက ဦးေမာင္ျဖဴေခ်ကို သကာရည္လုပ္ဖို႔အတြက္ပါ အရင္းအႏွီးထုပ္ပီးခၿပီးေက ေနာက္ခါမွ ေဒလုပ္ငန္းကို လုပ္ဖို႔ သေလာတူလာစြာ ျဖစ္ပါေရ။

“သူ႐ို႕က အခ်ိဳရည္ကိုေလ့ အစစ္လုပ္ပီးေရအတြက္နဲ႔ သကာရည္ကိုေလ့ အစစ္လိုခ်င္ေရ။ ၅ ေထာင္၊ ၆ ေထာင္ဖို႔ ရင္းရေက အကြ်န္႐ို႕ ၅ ေထာင္ပီးေမ။ အကြ်န္႐ို႕ကို လုပ္ပီးလတ္။ ဆိုခါ ခ်က္ၿပီးေက ျပခဲ့ရေရ။”

ဟိုတယ္လုပ္ငန္းရွင္နဲ႔ သူ႔ၾကားမွာ ယုံၾကည္မႈရလားၿပီးေနာက္မွာ ဟိုတယ္ဖက္က တစ္ရက္မွာ တစ္ပုလင္း၊ ၂ ပုလင္း စသျဖင့္ တျဖည္းျဖ ည္း သုံးစြဲလာေရလို႔ ဆိုပါေရ။ ေဒပိုင္နဲ႔ ၂၀၁၈ ခုႏွစ္မွာေတာ့ Artisans de Mrauk U ဆိုေရ အဖြဲ႔စည္းက သူရဲ႕သကာရည္ကို Organic Valley နဲ႔ မိတ္ဆက္ပီးခၿပီးေက ရန္ကုန္ၿမိဳ႕က ေတာင္သူလယ္သမားစီ်းကတစ္ဆင့္ ျဖန္႔ခ်ိခစြာလို႔ ဆိုပါေရ။

မူရင္းထုတ္လုပ္သူ ဦးေမာင္ျဖဴေခ်ကို ဂုဏ္ျပဳေရ အေနနဲ႔ သူ႔အ႐ုပ္ကို ပုလင္းမွာ တံဆိပ္အျဖစ္ကပ္ပနာ သန္႔ရွင္းသပ္ရပ္ေတ ထုတ္ပိုးမႈပုံ စံနဲ႔ ထုတ္ေဝထားစြာေလ့ ျဖစ္ပါေရ။

“အခင္အတြက္အဆင္ေျပေအာင္ အကြ်န္႐ို႕က လုပ္ပီးစြာ။ ေဒေဒသထြက္ကစၥည္း စစ္ေတ။ အမွန္ရွိေရဆိုစြာကို ျပခ်င္လို႔ သူ႐ို႕က သမၼ တ၊ ေဒၚေအာင္ဆန္းစုၾကည္႐ုိ႕နဲ႔ လုပ္ေတအစားအစာျပပြဲမွာ တင္ပီးဗ်ာလ္ ျမည္းခိုင္းေရ။ ႀကိဳက္တယ္လတ္။ ပုလင္းပုံစံေခ်တိကအစပါ ေရ။ အခင္အ႐ုပ္ေလ့ပါေရေလ။ ယင္းပုလင္းေခ်မွာ။ အခင္ကေလ့ ဝမ္းသာေရေပါ့။”

ယင္းေနာက္မွာ သကာရည္ကို ဓာတ္ခြဲစမ္းသတ္မႈ ျပဳလုပ္ခေရလို႔ ဆိုပါေရ။ ဓာတ္ခြဲစမ္းသမ္းခ်က္အရေတာ့ခါ သဘာဝအတိုင္း ခ်က္လုပ္ ထားစြာျဖစ္လို႔ ဇီးခ်ိဳသမားတိေတာင္ စားသုံးႏိုင္ေရဆို႔ ဆိုပါေရ။ လက္ရွိမွာေတာ့ ယင္းသကာရည္နဲ႔ ပထမဆုံး L’Amour du Gont လို႔ ေခၚေရ ဒိန္ခ်ဥ္တမ်ိဳးကိုေလ့ ထုတ္လုပ္ထားပနာ ယင္းဒိန္ခ်ဥ္ဆိုေကေလ့ လက္ရွိ ရန္ကုန္စ်ီးကြက္မွာ လူႀကိဳက္မ်ားနီေရလို႔ Organic Valley ရဲ႕ ထုတ္ျပန္ခ်က္မွာ ပါရွိပါေရ။

“အေရာင္ကေလ့ နက္ေတ။ သကာေရာင္ဆိုေက သိေရအတိုင္းယာမနားေယ။ အေရာင္စပ္ထားစြာ မဟုတ္။ စပ္လို႔က မရ။ စပ္ေကမွား ယာ။ မသိေရလူတိက ငံျပာရည္ထည့္ေအာင္ထင္ေရ။ အခ်ိဳလိုစြာကို ငံျပာရည္ထည့္ေက ခါးလီဖို႔ယာ။ ခ်က္လိုက္ေတအခါမွာ အိုးမွာ အ ဆီပိုင္ျဖစ္လားၿပီးေက အေရာင္ေျပာင္းလားစြာ။ ေနာက္ၿပီးေက ဇာမွာစားေလလတ္။ အခင္႐ို႕မွာ ေဒသထြက္ေကာက္ညွင္းေပါင္းလို႔ရွိေရ။ ေကာက္ညွင္းနဲ႔ေလ့ လူးလို႔စားေရ။ မ႐ိုးပေပါက္လို႔ရွိေရ။ မုန္႔သန္းကိုေလွာ္ၿပီးေက လုပ္စြာ။ ယင္းမွာေလ့ ေပ်ာင္းလည္းေပ်ာင္း၊ ခ်ိဳေလ့ခ်ိဳ ေရ။ သို႔ေသာ္ တခါတခါ အခ်ိဳင္ေပါက္မွရေရ။ ေပါင္မုန္႔ကိုေလ့ စားလို႔ရေရ။ မုန္႔မ်ိဳးစုံကို ေဒခ်င့္နဲ႔စားလိုက္ေက ႏို႔ဆီနဲ႔ စားစြာထက္ေကာင္း ေရ။ အခင္ေလ့ စားျပေရ။ ယုံၾကည္မႈရေအာင္ေပါ့။ ေဒပိုင္စားရေရ။ သူ႐ို႕က ယင္းပိုင္ဆိုေက အခင္မွာ ရသေလာက္ကိုခ်က္လတ္။ သူ႐ို႕ က ေၾကာ္ညာခ်င္ေရ။ ႏိုင္ငံျခားသားတိေရာက္ေတ။ အခင္က ေကြ်းလိုက္လို႔ေျပာေရ။ ေဒခ်င့္က တစ္ခုထိခိုက္မႈေလ့ မရွိ။ ေကြ်းၾကည့္ေရ။  ေကြ်းခါ ႀကိဳက္ေတ။ ႏွစ္တိုင္းေရာက္နီကတ္ခါ အဆန္းေခ်တိဆိုေက ေသာက္ကတ္ေတ။ စားကတ္ေတ။ သူ႐ို႕က ဇာပိုင္လုပ္ေလ။ ဇာပိုင္ ေဖ်ာ္ေလ။ သၾကားဇာေလာက္ပါလဲမီးကတ္သိမ့္ေရ။ ေဒခ်င့္က ေဖ်ာ္ရည္မဟုတ္။ ေဒကပင္ကိုယ္ သဘာဝကရေရ အရည္တစ္ခု။”

ေနာက္ၿပီးေက ေဒသကာရည္ကို ေတာင္သူလယ္သမားစ်ီးကတစ္ဆင့္ ရန္ကုန္က City Mart တိကပါ မွာယူေရာင္းခ်နီကတ္ဗ်ာလ္ျဖစ္ၿပီး ေက ျပည္တြင္းမွာရာမက ျပည္ပစ်ီးကြက္မွာပါ ထိုးေဖာက္ႏုိင္ဖို႔ ႀကိဳးပမ္လ်က္ရွိေရလို႔ ယင္းထုတ္ျပန္ခ်က္က ဆိုထားပါေရ။

လက္ရွိမွာဆိုေက ဦးေမာင္ျဖဴေခ်က ေဒသကာရည္ကို တတ္ႏိုင္သေလာက္ခ်က္လုပ္နီၿပီးေက ရန္ကုန္ကိုတင္ပို႔ပနာ လိုအပ္စြာတကို နယ္ က မွာယူလုပ္နီဗ်ာလ္ျဖစ္လို႔ ေဒသခံတိအနီနဲ႔ေလ့ စီ်းကြက္မွာေရာင္းရေက ေရာင္းရသေလာက္ ဝင္ေငြရရွိကတ္ဖို႔ဗ်ာလ္ ျဖစ္ပါေရ။

ယေကေလ့ ဦးေမာင္ျဖဴေခ်ပိုင္ ရ႐ိုးသသားနဲ႔ ထုတ္လုပ္ၿပီးေက ဇာဓာတုပစၥည္းတိကိုေလ့ အသုံးမျပဳပဲခ်က္လုပ္မွရာ ေတာ္ရာက်ပါလိေမ။

“ဂုဏ္ယူေရေပါ့။ ကိုယ္လုပ္ေတပစၥည္းတစ္ခုကို အမ်ားကလက္ခံေရ။ ကိုယ္ရ႐ိုးသသား လုပ္လိုက္ဗ်ာလ္ဆိုေက အမ်ားက လက္ခံၿပီး သားဗ်ာလ္။ အမွန္ကတယ္ေလ့ ကိုယ္က ႐ိုးသားဖို႔လိုေရ။ အစားအစာဆိုစြာက မ႐ိုးသားေက အဆိပ္ျဖစ္တတ္ေတ။ ဟုတ္တယ္မလား။ ကိုယ့္ႏိုင္ငံသားေတာင္ မသိစြာ။ ေျမာက္ဦးၿမိဳ႕သားေတာင္ အတုထင္နီစြာ။ ဇာပိုင္လုပ္ရမွန္းေတာင္မသိ။ ေျပာရဖို႔ဆိုေက ၿမိဳ႕ကအေခ်တိ ေရ ရအုန္းခိုင္ဆိုေက တန္ဖိုးမထားကတ္။ ယင္းပိုင္စြာတိရွိကတ္ေတ။ စစ္ေတြကဆိုေက ပိုဝီးေရ။ ရန္ကုန္ဆိုပိုဆိုး။ ႏိုင္ငံျခားသားဆို ပိုဝီး ေရ။ သူ႐ို႕ကေလ့ တန္ဖိုးထားလို႔ ေဒခ်င့္သည္ လြယ္လြယ္ကူကူနဲ႔ ရလာစြာမဟုတ္။”

 708 total views,  1 views today