(Unicode Version)
အမေရိကန်ဒေါ်လာ ၂ သိန်းကျော်တန်ဖိုးရှိရေ ရိက္ခာပစ္စည်းတိကို ရခိုင်စစ်ဘေးရှောင်ပြည်သူတိအတွက် ရည်ရွယ်ပနာ အိန္ဒိယ အစိုးရက လှူဒါန်းလာပါရေ။
ယင်းနိုင်ငံက လှူဒါန်းရေ ရိက္ခာတိထဲမှာ ဆန်အိတ် ၂၀၀၀၀ နန့် ကြာဆံ၊ ပဲဆီ၊ ဆား၊ ဆနွင်းနန် ့ တချို့ကိရိယာတိ ပါဝင်ပြီးကေ ယင်း ရိက္ခာတိကို ဇန်နဝါရီလ ၂၁ ရက်နိက ရခိုင်ပြည်နယ် စစ်တွေမြို့ရှိ အိန္ဒိယဆိပ်ကမ်းမှာ အခမ်းအနားတစ်ရပ်ပြုလုပ်ပနာ လူမှုဝန်ထမ်း ကယ်ဆယ်ရေးနန့် ပြန်လည်နေရာချထားရေးဝန်ကြီး ဒေါက်တာဝင်းမြတ်အေးနန့် ရခိုင်ပြည်နယ် ဝန်ကြီးချုပ် ဦးညီပုရို့ထံကတစ်ဆင့် လွှဲပြောင်းပီးအပ်ခပါရေ။
ယင်းအခမ်းအနားမှာ အိန္ဒိယအစိုးရကိုယ်စား မြန်မာနိုင်ငံဆိုင်ရာ အိန္ဒိယသံအမတ် H.E.Shru Kumar က ဦးဆောင်ပနာ ပီးအပ်ခစွာ ဖြစ်ပြီးကေ နှစ်နိုင်ငံက တာဝန်ရှိသူတချို့က တက်ရောက်ခကတ်ပါရေ။
အိန္ဒိယနိုင်ငံအစိုးရေ မြန်မာနိုင်ငံကို ၅ နှစ်တာကာလအတွင်း အမေရိ ကန်ဒေါ်လာ ၂၅ သန်းခန့် လှူဒါန်လားဖို့ဖြစ်တေလို့ နှစ်နိုင်ငံကြား နားလည်မှုစာချွန်လွှာရီးထိုးထားကတ်ပါရေ။
ပြီးခရေနှစ်ကဆိုကေ မောင်တောမြို့နယ် ကြိမ်ချောင်း၊ ရွှေဇားနန့် နံ့သာတောင်ကျေးရွာရို့မှာ နေအိမ် ၂၅၀ ခန့်လှူဒါန်းခရေပိုင် စစ်တွေ တက္ကသိုလ်ကွန်ပျူတာကျောင်းအတွက် လိုအပ်တေ အထောက်ပ့ံတိနန့် လယ်သမားအတွက်လေ့ နည်းပညာပိုင်းဆိုင်ရာအကူညီတိ ပိးအပ်ခပါသိရေ။
အိန္ဒိယသံအမတ် H.E.Shru Kumar က အခုပိုင် အကူညီပီးနေမှုတိစော် ရခိုင်ပြည်နယ်လွှတ်တော်ဥက္ကဌ၏ ကမ်းလှမ်းလာမှုကြောင့် ဖြစ်ကြောင်း အဆိုပါ အခမ်းအနားမှာပြောကြားခပါသိရေ။
(Zawgyi Version)
အေမရိကန္ေဒၚလာ ၂ သိန္းေက်ာ္တန္ဖိုးရွိေရ ရိကၡာပစၥည္းတိကို ရခိုင္စစ္ေဘးေရွာင္ျပည္သူတိအတြက္ ရည္ရြယ္ပနာ အိႏၵိယ အစိုးရက လွဴဒါန္းလာပါေရ။
ယင္းႏိုင္ငံက လွဴဒါန္းေရ ရိကၡာတိထဲမွာ ဆန္အိတ္ ၂၀၀၀၀ နန္႔ ၾကာဆံ၊ ပဲဆီ၊ ဆား၊ ဆႏြင္းနန္ ့ တခ်ိဳ႕ကိရိယာတိပါဝင္ၿပီးေက ယင္း ရိကၡာတိကို ဇန္နဝါရီလ ၂၁ ရက္နိက ရခိုင္ျပည္နယ္ စစ္ေတြၿမိဳ႕ရွိ အိႏၵိယဆိပ္ကမ္းမွာ အခမ္းအနားတစ္ရပ္ျပဳလုပ္ပနာ လူမႈဝန္ထမ္း ကယ္ဆယ္ေရးနန္႔ ျပန္လည္ေနရာခ်ထားေရးဝန္ႀကီး ေဒါက္တာဝင္းျမတ္ေအးနန္႔ ရခိုင္ျပည္နယ္ ဝန္ႀကီးခ်ဳပ္ ဦးညီပု႐ို႕ထံကတစ္ဆင့္ လႊဲေျပာင္းပီးအပ္ခပါေရ။
ယင္းအခမ္းအနားမွာ အိႏၵိယအစိုးရကိုယ္စား ျမန္မာႏိုင္ငံဆိုင္ရာ အိႏၵိယသံအမတ္ H.E.Shru Kumar က ဦးေဆာင္ပနာ ပီးအပ္ခစြာ ျဖစ္ၿပီးေက ႏွစ္ႏိုင္ငံက တာဝန္ရွိသူတခ်ိဳ႕က တက္ေရာက္ခကတ္ပါေရ။ အိႏၵိယႏိုင္ငံအစိုးေရ ျမန္မာႏိုင္ငံကို ၅ ႏွစ္တာကာလအတြင္း အေမရိ ကန္ေဒၚလာ ၂၅ သန္းခန္႔ လွဴဒါန္လားဖို႔ျဖစ္ေတလို႔ ႏွစ္ႏိုင္ငံၾကား နားလည္မႈစာခြ်န္လႊာရီးထိုးထားကတ္ပါေရ။
ၿပီးခေရႏွစ္ကမႈ ေမာင္ေတာၿမိဳ႕နယ္ ႀကိမ္ေခ်ာင္း၊ ေရႊဇားနန္႔ နံ႔သာေတာင္ေက်းရြာ႐ို႕မွာ ေနအိမ္ ၂၅၀ ခန္႔လွဴဒါန္းခေရပိုင္ စစ္ေတြ တကၠသိုလ္ကြန္ပ်ဴတာေက်ာင္းအတြက္ လိုအပ္ေတ အေထာက္ပ့ံတိနန္႔ လယ္သမားအတြက္ေလ့ နည္းပညာပိုင္းဆိုင္ရာအကူညီတိ ပိးအပ္ခပါသိေရ။
အိႏၵိယသံအမတ္ H.E.Shru Kumar က အခုပိုင္ အကူညီပီးေနမႈတိေစာ္ ရခိုင္ျပည္နယ္လႊတ္ေတာ္ဥကၠဌ၏ ကမ္းလွမ္းလာမႈေၾကာင့္ ျဖစ္ေၾကာင္း အဆိုပါ အခမ္းအနားမွာေျပာၾကားခပါသိေရ။
478 total views, 1 views today